న్యూ హేంప్ షైర్ ఫాల్ అందాలు

పోయిన వారాంతం ఫాల్ కలర్స్ చూద్దామని మాకు దాదాపు మూడున్నర గంటల దూరంలో ఉన్న న్యూ హాంషైర్ లోని వైట్ మౌంటైన్స్ అనే ప్రదేశానికి వెళ్ళాం. ఇక్కడ కనెక్టికట్ లో ఉన్న మూడేళ్లలో వెళదామనుకున్న ప్రతిసారీ ఏదో అవాంతరం ఏర్పడి కుదర్లేదు. ఈసారి వెళ్లి అక్కడి ప్రకృతి అందాలు చూస్తున్నప్పుడు , ఇన్నేళ్ళు ఇక్కడే ఉండి , వీటిగురించి విని కూడా వైట్ మౌంటైన్స్ ని దర్శించకపోవడం క్షమించరాని నేరమనిపించింది. ఎటు వైపు చూసినా పసుపు, ఎరుపు అక్కడక్కడ పచ్చగా కళ్ళు చెదిరిపోయే అందాలు. ఎటు తలతిప్పినా కేమెరాలో బంధించాల్సిందే అనిపించే అందాలు. నాకు బాగా నచ్చింది మాత్రం మౌంట్ వాషింగ్టన్ . సముద్ర మట్టానికి ఆరు వేల అడుగుల ఎత్తులో, నిమిష నిమిషానికీ మారే వాతావరణంతో, విపరీతమైన వీచే గాలులతో , దట్టమైన పొగమంచుతో వాహ్ అనిపించింది నాకు. కారు దిగ్గానే ఆ గాలికి ఎక్కడ ఎగిరిపోతానో అని కారు డోరుని కాసేపు అలానే గట్టిగా పట్టుకొని ఉండాల్సొచ్చింది. పైగా వణుకు పుట్టించే చలి .తరువాత నాకు నచ్చిందీ అంటే kancamagus highway scenic drive.

చివరి మూడు ఫోటోలు మౌంట్ వాషింగ్టన్ ఎక్కుతున్నప్పుడు మధ్యలో కారు ఆపి తీశాను. కొన్ని మౌంట్ వాషింగ్టన్ దిగుతుండగా , మిగతావి kancamagus highway లో అక్కడక్కడ తీసినవి. చూసి ఆనందించండి. (ఫోటో మీద క్లిక్ చేస్తే ఫోటో పెద్దది అవుతుంది.)